«Իրական» և «վիրտուալ» աշխարհները շատ նման են:  Իսկ անվտանգության առումով  վիրտուալ աշխարհը ոչնչով չի տարբերվում իրականից: Ինչպես իրական աշխարհում, այնպես էլ վիրտուալում  կան հասակակիցներ, ովքեր բացասական ազդեցություն կարող են ունենալ երեխայի վրա, վատ շրջապատ, մոլագարներ, կեղծարարներ, հափշտակիչներ: Եվ եթե իրական աշխարհում ծնողները հետևողական են, ապա թվային աշխարհում երեխաները, հիմնականում, օժտված են ազատությամբ, քանի որ կիբերհարձակումների ենթարկվելու հնարավորությունները և դրանց հետևանքները, միշտ չէ, որ ըստ արժանվույն են գնահատվում ծնողների կողմից։ Ուստի կիբերանվտանգությունը տեղեկատվական տեխնոլոգիաների բուռն զարգացման դարաշրջանի հրատապ ու կարևոր խնդիրներից մեկն է: